Hótel Norðurljós á Raufarhöfn er nyrsta hótel landsins. Miklar endurbætur hafa verið gerðar á hótelinu, þar eru 18 tveggja manna herbergi þar af eru 15 þeirra með sér baðherbergi, góð setustofa, veitingasalur fyrir 80-90 manns og bar. Veitingasalurinn snýr að höfninni, framan við hann er pallur sem nær yfir hafnarbakkann, þar sem gestir geta setið úti við á góðviðrisdögum notið þeirrar fegurðar er auganu mætir. Á veitingarstaðnum er lögð áhersla á mat úr héraði og þar er auðvitað fiskur í sérstöðu.